ANTEJURAMENTUM seu PRAEJURAMENTUM

ANTEJURAMENTUM seu PRAEJURAMENTUM

Anglis olim dictum Iuramentum de calumnia, quod ab accusatis et accusatoribus aeque exigebatur, priusquam in litem descenderent, uti inprimis cautum in LL. Aethelstani Regis c. 23. apud Lambardum. Et ab accusatore quidem in huiusmodi anteiuramento deficiente reus liber evadebat: ab hoc vero tantô id rigore exigi consuevit, ut vel ad ordalium seu purgationem Canonicam, nisi eô prius praestitô, neutiquam admitteretur. Vide LL. Philippi Comitis Neo portuensis A. C. 1164. LL. Henrici I. c. 66. alibique LL. Kanuti c. 42. et 43. apud Bromptonum et Concilium Triburiense A. C. 895. c. 21. apud Car. du fresne Gloss. Saxonice Aasuoren-ed. Quod quale fuerit, sic refert Andr. Svenonis Archiep. Lundensie Daniae LL. l. 7. c. 6. Haec est forma iuramenti quod candentis ferri iudicium antecedit: ut affirmet auctor sub iurisiurandi religione, quod non odii causâ, non lucri gratiâ rco imposuerit surti crimen, sed quia scit eum veraciter rem sibi furti vitiô subtraxisse, apud Eund. in voce Aasuoren-ed.